GUEUSII

GUEUSII

Gall. Gueux, Belg. Geusen, nomen sec. praet. per probrum nobilibus Belgis, qui pro pace Religionis contra Inquisitionem foedus inierant, a Barlamontio aspersum. Non minus postea nobilitatum, quam Protestantes in Germania, et Hugonoti in Gallia:

quo cum ambesas fortunas foederatis alii exprobarent, ipsi in honorem rem traxêre, parum fausti nominis appellatione professi, fidem sibi in regem, ad mendicitatem usque constitutam, A. C. 1566. divisi in terrestres et aquatiles Geusios, eadem irrisorum licentiâ, sed hi A. C. 1572. Brilâ occupatâ, Reip. Belgarum hodie florentissimae fundamenta iecêrunt, potentiâ Hispanorum toto orbe praecipuâ, divino auxilio, multum labefactatâ. Vide Grot. Ann. thuan. Strad. etc. in Hist.